سنسیز ای یار منیم خوشگذرانیم یوخدور
سنکه یوخ سان اله بیل جسمده جانیم یوخدور

عشق پروانه سی یم غم اودوینا تابیم وار
خسته بلبل کیمی هر لحظه فغانیم یوخدور

بو یامان گونده منیم بیرجه امیدیم سن سن
سنسیز هچ بیر کسه عالمده گمانیم یوخدور

زلفینه باغلی اولاندان بری – مجنون کیمی یم
اله سرگشته یم هچ یرده – مکانیم یوخدور

صبر آرامیمی الدن غم هجرانین آلیپ
بیرده غم چکمگه جسمیمده- توانیم یوخدور